Regjeringa legg til rette for desentralisert utdanning, der ein kan ta utdanning i distrikta gjennom lokale og digitale løysningar, samarbeid og tilrettelegging.
Nissedal studiesenter er det fyrste studiesenteret i Vestfold og Telemark, og held til i Treungen i Nissedal kommune, og vil gje eit tilbod til innbyggarar i området som ikkje har høve til å flytte eller pendle, for å få seg utdanning.
Målet er å bli eit synleg senter for regionen, som kan hjelpe innbyggarane å ta utdanning på vidaregåande eller høgskulenivå.
Målgrupper:
Hovudmålgruppene er:
Ungdom som av ulike grunnar står i fare for å ikkje fullføre vidaregåande skule.
Flyktningar som treng kompetanse for å vere betre rusta til å gå ut i arbeidslivet.
Vaksne som grunna livssituasjon ikkje kan flytte eller pendle for å kome seg regelmessig til ein studiestad.
Alle som treng å styrke kompetanse, og ser ein moglegheit gjennom internett.
Privatistar som treng rettleiing.